我們去到南涌找何叔叔時，他已經煲落湯，炆定冬菇了。
何叔叔是活耕建養地協會的全職農夫，照顧協會租的田，也住在這裏，和狗兒們。
「我哋去拔蘿蔔啦，一個炒芹菜，一個就炒牛肉；再摘個青木瓜煲湯。」何叔叔帶我們去田裏看拔蘿蔔，蘿蔔都像大髀那麼粗，眾人「哇哇」聲驚呼。
至於木瓜，何叔叔說要選青一點的，「太熟煲湯就會爛晒啦，生生地嘅，煲一陣，仲有啲木瓜會食到。」
回到鐵屋仔，何叔叔先洗木瓜放湯，「呢度好多農作物都可以連皮食，木瓜就唔好喇，核同皮落埋湯就苦，所以要批晒皮，洗乾淨。」
紅菜頭、甘荀、粟米早已煲了兩小時，「最後先落木瓜，煲多半個鐘，就唔會爛晒又甜啦。」何叔叔話，「呢個素菜湯唔落任何調味嘅，淨係飲菜嘅鮮味。」
白蘿蔔要洗乾淨，因為會連皮吃，「連皮食營養好啲，不過出面種蘿蔔有農藥，未必敢連皮食啦，呢度自己種就唔驚啦。」
切成條狀
搞掂就可以入廚房炒餸啦。首先要醃魚。
這條烏頭是在街市買回來的。何叔叔會用在2011年醃的桔仔來蒸魚。
切碎桔仔，搽勻整條魚，先醃半小時，再等蒸
然後就炒餸，「港嘢」的Mandy也進了廚房幫忙。
Mandy也曾是協會的義工，第一次接觸協會，是因為一位馬來西亞的朋友想找個地方打工換宿，「我介紹了他去幾個地方看看，他就在馬寶寶聽到養地協會，於是來了打工換宿，我當時也未聽過南涌啊……」而她是住在南涌附近的粉嶺的。
於是她自己就來了南涌，「我企咗喺嗰度望住個魚塘好耐，呢度真係香港嚟㗎？真係好靚啊……」
寶熙補充，「他是協會暫時唯一一個打工換宿的案例啦，他不介意這裏地方簡單，然後就在這裏幫何叔叔做點農務。」但現在暫不開放招收打工換宿了，「等人恨下都好喎。嘻嘻。」May笑說。
說時何叔叔又開始落鑊炒蘿蔔啦。
一味做素菜。
一味炒牛肉。
何叔叔話，炒唐芹不能太熟，要最後才落，焗一陣就可以吃了，「其實好似啲蔥咁食法，唔好太熟。」
臘味炒菜
啖湯都ready
好啦！開飯！
text/lokman
photos/ andy wong
video/ fu